«ТАЙҚАЗАН» КАРТИНАСЫ – ҰЛТТЫҚ МӘДЕНИ ҚҰНДЫЛЫҚ

Аннотация

Мақалада «Тайқазан» картинасының ұлттық көркем шығармашылық мәдени  құндылық тұрғысында өлшемдері негізделген,  ел өнерінің дамуы мен егеменді ел мәдениетіндегі орны анықталған,  көркемдік өлшемдер көрсеткішіне, арт нысанның  идеясы, композициясы, түстік шешімдері, бейнелеу әдісі, даралық өлшемдері,  орындалу техникасы қарастырылған. Шығарманың арт білім берудегі мәнінде шығарманы білімгерлерге таныстыру барысында пішінқұрау, композиция, перспектива, жарықтану, түстану,  симметрия, ритм ұғымдарын қолдану арқылы  ашылатындығы сипатталған. Туындының тәрбиелік мәнінде жас ұрпаққа  отандық өнер туралы түсінік беру,  мәдени құндылық ұғымын қалыптастыру, білім алушыларды елжандылық сезімдерін арттыру мүмкіндіктерін ашу. Тәжірибелік зерттеудің жаңашылдығы, яғни бейнелеу шығармасының көркемдік өлшемдері қатарына тарихи шындықтың қосылуы, қазақ бейнелеу өнері мен көркем мәдениетіндегі «Тайқазан» кескіндемелік картинасының өнертанымдық  орнының ашылуы қарастырылған.