ИНКЛЮЗИВТІ СЫНЫПТАРДА ОҚУ НӘТИЖЕЛЕРІНЕ ӘСЕР ЕТЕТІН ПСИХОЛОГИЯЛЫҚ ФАКТОРЛАР
DOI:
https://doi.org/10.54251/2522-4026.2026.29.19qazТүйінді сөздер:
инклюзивті білім беру, білім беру психологиясы, эмоционалдық қауіпсіздік, психологиялық факторларАннотация
Бұл мақала инклюзивті сынып жағдайында оқу нәтижелеріне әсер ететін психологиялық факторларды бір семестрге созылған педагогикалық эксперимент негізінде талдайды. Зерттеу Мұхтар Әуезов атындағы Оңтүстік Қазақстан мемлекеттік университетінің ФИ25-2Р3 тобының 1 курс студенттерімен жүргізілген нақты аудиториялық тәжірибеге сүйенеді. Мақалада сабақ барысында студенттердің оқу жетістіктері көбіне қолданылған әдістерге емес, олардың оқу процесінде өзін қалай сезінетініне байланысты екені байқалады. Зерттеуде эмоционалдық қауіпсіздік, оқу мотивациясы, өзіндік сенім және топқа тиесілік сезімі сияқты психологиялық жағдайларға ерекше назар аударылды. Эксперимент қалыпты сабақтар аясында өткізіліп, жасанды жағдайлар құрылмады. Тәжірибе сапалық аудиториялық бақылауға, оқытушының рефлексивті тәжірибесіне және студенттердің сабақтағы мінез-құлқындағы біртіндеп байқалған өзгерістерге сүйенген. Нәтижелер инклюзивті білім беру тәжірибесі студенттердің психологиялық қажеттіліктерін ескерген жағдайда олардың оқу процесіне белсенді қатысуы артып, оқу нәтижелерінің жақсарғанын көрсетті. Бұл өзгерістер бірден емес, уақыт өте қалыптасты.
